PROXECTO MURALLALANDIA

📢🤝 A ASOCIACIÓN CAPACES LUGO SÚMASE A MURALLALANDIA 🤝📢

Unimos forzas cun proxecto marabilloso que busca mellorar a estancia dos máis pequenos no Hospital Universitario Lucus Augusti de Lugo. Murallalandia converterá a área de pediatría nun espazo lúdico e educativo inspirado na Muralla Romana, promovendo o benestar e a aprendizaxe a través do xogo.

Esta iniciativa faise realidade grazas á colaboración co SERGAS, Banco Mediolanum e a Fundación Breogán, entidades comprometidas coa humanización dos espazos hospitalarios e coa mellora da calidade de vida dos nenos hospitalizados.

🔹 Como se fará?
O proxecto financiarase a través das doazóns recibidas en 👉 www.migranodearena.org e dos fondos recadados en eventos solidarios organizados para este fin.

Existen diferentes formas de patrocinio para aquelas entidades ou persoas que queiran sumarse á iniciativa:
🏆 Patrocinador Corporativo
🎖️ Patrocinador VIP
🤝 Patrocinador Colaborador

Ademais, Banco Mediolanum, a través da súa Fundación Mediolanum Aproxima, comprométese a duplicar as achegas recadadas en cada evento solidario ata un máximo de 5.000€ por evento.

💙 Ti tamén podes axudar!
Cada achega conta! Co teu apoio, faremos posible que os nenos hospitalizados teñan un espazo máis acolledor, divertido e educativo. Únete á nosa causa e contribúe a transformar as súas estadías no hospital nunha experiencia máis amable.

Xuntos faremos do hospital un lugar mellor! 🙌💙

Maís información: Proxecto completo

Comentarios

Entradas populares de este blog

Formación con Marlene Horna 18 de outubro 2025

O próximo 18 de outubro teremos unha nova formación con Marlene Horna como relatora, tratará sobre: SOLUCIÓNS PRÁCTICAS FRONTE A SITUACIÓNS COTIÁS EN AUTISMO Como promover o entendemento mutuo, a colaboración e o benestar emocional. CONTIDOS : 1. Os rumbos da mirada predominantemente neurotípica. 2. Mellorando a comunicación e a linguaxe entre autistas e alistas. 3. Apoios visuais: os 1001 tipos e funcións diferentes. 4. Facilitadores da comprensión mutua e a colaboración en clase e en casa. 5. Vivir con disfunción executiva. 6. Intereses e entusiasmos: cando promover ou cando regular. 7. Promover a flexibilidade cognitiva e a tolerancia á frustración. 8. Socializar e ter amigos: un enfoque diferente. 9. Preparándonos para a vida futura. Para poder anotarse tedes que cubr...

VOLCATEA. BUSCAMOS VOLUNTARIADO. CHAMÁMOSVOS A ACCIÓN!

Pictograma de Arasaac. VOLCATEA é un programa de voluntariado que busca a inclusión das persoas con TEA nas actividades da vida diaria, deportivas e extraescolares durante os meses de outubro a xuño. Para máis información podes chamarnos ao 619170890 ou escribirnos un email a capaceslugo@gmail.com . Se queres anotarte só tes que cubrir o formulario que temos na pestana "colabora" na nosa web capaceslugo.com. Accede premendo aquí .

Ferramentas para a accesibilidade cognitiva desde o espectro do autismo

A sinalización accesible, o uso de pictogramas, o control dos estímulos sensoriais ou a anticipación da información son só algúns dos recursos que favorecen a accesibilidade cognitiva das persoas con autismo. Esta guía, publicada no marco do proxecto Rumbo, recolle ferramentas, normativas e casos de boas prácticas para que a información, as comunicacións e a contorna física sexan accesibles para todas as persoas. As características e necesidades maioritarias que presentan as persoas autistas no seu día a día introducen matices importantes a ter en conta cando falamos da accesibilidade cognitiva dun elemento, contorna ou servizo. A normativa vixente non resulta suficiente para garantir a inclusión das persoas no espectro, por iso desde o proxecto Rumbo desenvolveuse esta guía ‘Accesibilidade cognitiva desde o espectro do autismo’ na que se ofrece o coñecemento, as ferramentas e unha serie de boas prácticas para facer amigables e comprensibles as contornas e a comunicación. Aínda q...

CAPACES LUGO

Buscar este blog