CAPACES LUGO

  Reunímonos con  Elena Candia  e con Gustavo Díaz do  PP Lugo local para darnos a coñecer e presentar os proxectos que levamos a cabo. Tamén levamos un proxecto novo no que andamos liadas e que de saír adiante será algo que non se ofrece na provincia de Lugo ás persoas con TEA. Queremos agradecer sinceramente a súa escoita activa e empatía.

O vindeiro sábado 25 de maio temos a seguinte reunión mensual de familias dentro do programa Coidar ao que coida, programa de Atención Sociofamiliar da Federación Autismo Galicia, subvencionado pola Xunta de Galicia a través da Conselleria de Política Social e Igualdade. Todos os sábados de final de mes reunimonos con Carmen Moreno do centro CREA que guia estas reunións onde nos apoiamos e aprendemos unhas familias de outras. Non ten custo para as familias asociadas de Capaces Lugo. Pode participar calquera familiar ou persoa con TEA. Máis información no email capaceslugo@gmail.com  ou no teléfono 619170890

 O vindeiro sábado 11 de maio ofreceremos a escola de familias " O patrimonio protexido das persoas con discapacidade".  Nela se fará unha analise da figura legal do patrimonio protexido, tanto dende a perspectiva da protección patrimonial da persoa con discapacidade, como dende a perspectiva das ventaxas fiscais para as persoas que fan aportacións a dito patrimonio. A Relatora será Pilar Garcia-Puertas, avogada e presidenta da Asociación Justicia y Diversidad. Esta escola de familias pertence ao programa de Atención Socio Familiar da Federación Autismo Galicia e está subvencionada pola Xunta de Galicia - Consellería de Política Social e Igualdade. Esta escola é de balde e poden asistir familias socias de Capaces e non socias. Podedes conseguir máis información no correo capaceslugo@gmail.com  

  Seguimos co programa "Coidar ao que coida", un programa de atención sociofamiliar da Federación Autismo Galicia , subvencionado pola Consellería de Política Social e Xunventude da Xunta de Galicia e desenvolto pola Asociación Capaces Lugo , onde as familias, guiadas por Carmen Moreno, terapeuta con máis de 10 anos de experiencia do Centro Psicopedagógico CREA , poden compartir as súas emocións e dúbidas. Aberto para todxs, gratuito para socios e cunha aportación por non socios. Todolos meses, agás xullo e agosto, temos reunión coas familias o último sábado no local social cedido polo Concello de Lugo na Rúa Monte Faro nº 2 baixo, ainda que este mes de marzo por coincidir Semana Santa fixemolo o 16 e por fin fixemos fotos!!.

 Xa rematamos as actividades previstas gracias a subvención concedida pola Deputación de Lugo na área de Medioambente.  Aqui temos algunhas fotos do ben que o pasaron.

    O próximo  sábado 30 de setembro  temos a xornada formativa  "Conductas problemáticas no espectro autista. Comprensión e estratexias prácticas de apoio á persoa e a súa contorna" , será impartida pola relatora  Marlene Horna , como xa tivemos o gusto de ter en moitas formacións nestes anos. Marlene é p sicologa colexiada, especialidade Clínica e Social. Máster en Atención Temperá. Diploma de Estudos Avanzados. Dende hai máis de quince anos traballa apoiando a nenos e adolescentes con TEA e as súas familias. Traballou na Unidade de Atención Temperá da Universidade de Santiago de Compostela, como orientadora dun C.E.E.P.R. da asociación ASPANAES e, na actualidade, traballa de maneira particular e dentro da a Unidade de Apoio Ambulatorio (UAM) da asociación BATA. Desenvolve a súa actividade apoiando a persoas con TEA nas súas contornas naturais (fogar, escola, comunidade). Posúe unha ampla experiencia como docente adquirida en numerosos cursos promovidos por diversas institu